Ymuno â’r “BEAT” yng Nghlwb Rygbi Pentyrch

Mae Undeb Rygbi Cymru yn cynnal menter i ddenu chwaraewyr, swyddogion a gwirfoddolwyr lleol i ymuno â chlybiau hyd a lled Cymru.  Mae hyn yn dilyn cyflawniad gwych ein tîm rygbi cenedlaethol yng Nghwpan y Byd yn Seland Newydd yn ddiweddar. Mae mwy o fanylion ar gael o www.wru.co.uk/jointhebeat.

Yng Nghlwb Rygbi Pentyrch rydym yn ystyried ein hunain yn ganolbwynt i’n gymuned lleol.  Mae Tîm Rygbi Pentyrch yn chwarae yn drydedd adran cyngrhair De-Ddwyrain Cymru.  Mae gennym ail dîm XV, tîm ieuenctid (16-19oed) a thîm dros 35 sydd yn chwarae yn rheolaidd.  Hefyd, mae gennym strwythur rygbi Iau llwyddiannus iawn ar gyfer bobl ifanc o 6 oed hyd at 16 oed.

Cynhelir sesiynau hyfforddiant ar gyfer y tîm cyntaf bob nos Fawrth a nos Iau o 6.45yh. Mae hyfforddiant i’r tîm Ieuenctid bob nos Iau am 6.45yh ac hyfforddiant i dimoedd eraill ar nos Fercher a nos Wener o tua 6.00yh.  Cynhelir yr holl hyfforddiant ar gaeau y clwb rygbi.

Rydym yn annog ac yn croesawu wynebau newydd i ymuno ar unrhyw adeg.  Ar ddydd Sul 29ain o Ionawr 2012, byddwn yn cynnal diwrnod agored rhwng  10.30yb a 13.30yh,  er mwyn croesawu bobl newydd sydd â ddiddordeb chwarae dros y clwb neu i wirfoddoli fel rhan o’n criw hyfforddi a chefnogi llwyddiannus.  Wrth gwrs, mae yna ochr gymdeithasol cryf iawn i’r clwb a bydd pawb yn derbyn croeso cynnes iawn.

Felly, beth am rhoi cynnig arni? Ar ddydd Sul 29ain o Ionawr fe fydd aelodau o Bwyllgor Cyffredinol y clwb ac hyfforddwyr ar gael i drafod ac ateb cwestiynau.  Mae croeso i chi hefyd i gysylltu âg Ysgrifennydd y clwb, Gareth Williams, ar unrhyw adeg .

Gareth Williams – 029 20891168

garethew@hotmail.com